ҚАЗАҚСТАНДАҒЫ ОТБАСЫЛЫҚ-ТҰРМЫСТЫҚ ЗОРЛЫҚ-ЗОМБЫЛЫҚҚА ҚАРСЫ ҚҰҚЫҚТЫҚ ТЕТІКТЕРДІҢ ТИІМДІЛІГІ: ДАҒДАРЫС ОРТАЛЫҚТАРЫН ЭМПИРИКАЛЫҚ ЗЕРТТЕУ
DOI:
https://doi.org/10.63546/3005-2246.2026.15.3.018Кілт сөздер:
отбасылық-тұрмыстық зорлық-зомбылық, құқықтық тетіктер, дағдарыс орталықтары, жәбірленушілерді қорғау, постреабилитациялық патронаж, арнаулы әлеуметтік қызметтер, ведомствоаралық өзара іс-қимыл, отбасылық-тұрмыстық зорлық-зомбылықтың алдын алуАңдатпа
Мақалада отбасылық-тұрмыстық зорлық-зомбылықтан зардап шеккен адамдарға көмек көрсететін мемлекеттік және мемлекеттік емес ұйымдардың қызметін пилоттық эмпирикалық-құқықтық зерттеу нәтижелері ұсынылған. Эмпирикалық негіз Өскемен, Степногорск, Тараз, Шымкент, Астана және Ақтөбе қалаларындағы тұрмыстық зорлық-зомбылыққа қарсы күрес жөніндегі дағдарыс орталықтарының 2025 жылдың ақпан-сәуір айларында жиналған жауаптарынан қалыптасты. Зерттеу нәтижесінде материалдық көмектің, жұмыспен қамтуға жәрдемдесудің және ұзақ мерзімді патронаждың жеткіліксіз ұсынылуы жағдайында психологиялық қолдаудың басым екені анықталды. Негізгі кедергілер қатарына агрессорлардың мінез-құлқын түзетуге арналған жүйелі бағдарламалардың болмауы, ведомствоаралық ақпарат алмасудың жеткілікті деңгейде регламенттелмеуі, үкіметтік емес ұйымдардың қаржылық-құқықтық шектеулері және ынтымақтастықтың фрагментарлық сипаты жатқызылды. Тәуекелді стандартталған бағалау, қауіпсіз бағыттау және профилактика субъектілерінің өкілеттіктерін нормативтік тұрғыдан ажырату қажеттілігі негізделді. Жеке қауіпсіздік жоспарын, қауіп деңгейін қайта бағалауды, әлеуметтік-экономикалық қолдауды және қайта жүгінудің жеңілдетілген тәртібін қамтитын постреабилитациялық патронажды арнаулы әлеуметтік қызметтің дербес түрі ретінде бекіту ұсынылды. Зерттеу нәтижелері пилоттық сипатқа ие және кейінгі жалпыұлттық зерттеудің негізгі бағыттарын айқындайды
Open content is licensed under the CC-BY 